Колькі алкаголю можна выпіць кіроўцу, каб не перавысіць норму

Паказнікі для розных напояў.

За кіраванне транспартным сродкам у нецвярозым стане заканадаўствам практычна ўсіх краінаў прадугледжаная адказнасць. Кіроўцы, якія садзяцца за стырно пасля ўжывання алкаголю, ставяць у небяспеку не толькі сябе, але і іншых удзельнікаў дарожнага руху.

Доза алкаголю ў крыві павінна быць не большай за 0,2 праміле.

Колькі алкаголю можна выпіць кіроўцу, каб не перавысіць норму, разбіраўся obozrevatel.comobozrevatel.com.

Першым чынам, варта адзначыць, што перавесці 0,2 праміле ў фактычныя аб'ёмы папулярных напояў даволі няпроста. Агульнавядомы факт: у розных людзей успрыманне алкаголю можа быць індывідуальным – гэта залежыць ад асаблівасцяў арганізма, наяўнасці хранічных захворванняў і г.д. Таму перад паездкай, а лепш і за дзень да яе, увогуле не варта ўжываць алкагольныя напоі.

Часта на раніцу пасля гучнай вечарынкі кіроўцы, не адчуваючы сімптомаў пахмелля, цешаць сябе думкай, што алкаголь ужо выветрыўся і можна ехаць на працу на аўто. Аднак нават пры здавальняльным самаадчуванні ў арганізме яшчэ застаецца высокі паказнік спіртнога. Трэба браць да ўвагі некалькі чыннікаў:

колькасць выпітага;

колькі часу прайшло з моманту ўжывання;

індывідуальныя асаблівасці (рэакцыя арганізма на алкаголь): вага кіроўцы, стан печані, хуткасць метабалізму, колькі спажыта ежы і г.д.

Увогуле дазволеныя 0,2 праміле ў суадносінах з папулярнымі спіртнымі напоямі будуць выглядаць наступным чынам:

Чырвонае сухое віно

мужчыны – 200 г

жанчыны – 100 г

Пеністае віно

мужчыны – 200 г

жанчыны – 100 г

Піва

мужчыны – 500 г

жанчыны – 330 г

Брэндзі, віскі

мужчыны – 50 г

жанчыны – 30 г

Гарэлка

мужчыны – 50 г

жанчыны – 30 г

Дарэчы, існуе папулярны міф, нібы сон, кантрасны душ ці моцная кава дапамогуць хутчэй працверазець. Насамрэч гэтыя метады могуць толькі ўзбадзёрыць, але ніяк не ўплываюць на ўзровень алкаголю ў крыві.