Расейскія добраахвотнікі ўвайшлі ў Шабекіна
32- 4.06.2023, 11:55
- 43,194
Перадавыя групы паказалі відэа з горада ў Белгародскай вобласці РФ.
Перадавыя штурмавыя групы расейскіх добраахвотнікаў увайшлі ў горад Шабекіна Белгародскай вобласці.
Пра гэта паведамляе прэс-служба Легіёна «Свабода Расеі».
«Заходзім! Зноў на роднай зямлі. Перадавая штурмавая група Легіёна і РДК заходзіць у прыгарад Шабекіна», - заявілі байцы Легіёна.
Як паведамляў сайт Charter97.org, байцы «РДК» і легіёна «Свабода Расеі» пачалі другую фазу ваеннай аперацыі на тэрыторыі РФ.
Расейскія добраахвотнікі прарвалі мяжу РФ і рухаюцца наперад у кірунку населенага пункта Шабекіна Белгародскай вобласці.
Залпамі з «Градаў» знішчанае кіраўніцтва расейскіх вайскоўцаў у будынку ўправы МУС у Шабекіне. Акрамя таго, падчас баёў падбіты варожы грузавік з боекамплектам і самаходны мінамёт «Цюльпан». Таксама расейскія добраахвотнікі знішчылі вялікую колькасць варожай тэхнікі ў пасёлку Новай Тавалжанцы, побач з горадам Шабекіным.
Пазней з'явілася інфармацыя, што расейскія добраахвотнікі ўвайшлі ў прадмесці Шабекіна.