Сталі вядомыя дэталі нападу на аэрадром ядзерных бамбавікоў у Калужскай вобласці РФ

У ГУР заявілі пра пашкоджанне некалькіх адзінак авіятэхнікі.

Падчас сённяшняй атакі на расейскі аэрадром «Шайкоўка»» былі пашкоджаныя некалькі адзінак варожай авіятэхнікі. Задачу выканалі ў каардынацыі з Галоўнай управай выведкі Украіны.

Пра гэта ў каментары РБК-Украіна заявіў прадстаўнік ГУР МА Андрэй Юсаў.

«ГУР не каментуе, што менавіта прыляцела на аэрадром “Шайкоўка”. Мы можам канстатаваць, што групы, якія каардынуюцца Галоўным упраўленнем разведкі Мінабароны Украіны, адпрацавалі вынікова. Вядома пра некалькі пашкоджаных адзінак варожай авіятэхнікі», – адзначыў Юсаў.

Паводле ягоных словаў, групы, якія здзейснілі атаку, адпрацавалі і паспяхова вярнуліся з цэнтральнай Расеі.

Юсаў падкрэсліў, што праца на тэрыторыі РФ прадаўжаецца. Размова пра Маскву, Маскоўскую вобласць і пра іншыя кірункі на тэрыторыі краіны-агрэсаркі.

«У многіх выпадках дзейнічаюць грамадзяне РФ, якія з розных меркаванняў, у тым ліку ідэалагічных, ужываюць захады для барацьбы са злачынным дыктатарскім рэжымам», – дадаў прадстаўнік ГУР.

Ён расказаў, што такія падзеі з'яўляюцца вынікам поўнамаштабнага ўварвання і генацыднай вайны Расеі супраць Украіны. Яны будуць доўжыцца да поўнай дэакупацыі і спынення агрэсіі, дадаў Юсаў.

Прадстаўнік ваеннай выведкі таксама пракаментаваў і сённяшнюю атаку дронаў на Маскву. Ён заявіў, што не будзе раскрываць усіх дэталяў, але «ГУР працуе».

Як адзначыў Юсаў, у гэтым кантэксце ён хоча падзякаваць усёй украінскай валанцёрскай супольнасці за арганізацыю такіх праектаў, як Black Box з фондам «Вярніся жывым», а таксама іншым пры супрацоўніцтве з фондам Сяргея Прытулы, Ігарам Лачаным, KSE, Сяргеем Сцерненкам.

«Менавіта дзякуючы гэтаму супрацоўніцтву мы чуем усё больш навінаў пра пазаштатныя сітуацыі вакол і ў Маскве, пра сарваныя рэйсы. Вынік гэтага супрацоўніцтва мы, сярод іншага, убачылі і сёння ў сталіцы дзяржавы-агрэсаркі», – дадаў Юсаў.