Пашынян паставіў Лукашэнку на месца

Прэм'ер Арменіі адказаў на пытанне дыктатара.

Прэм'ер-міністр Нікол Пашынян заявіў, што Ерэван знайшоў адказ на пытанне Лукашэнкі пра тое, каму патрэбная Арменія. Пра гэта паведамляе News.am.

Дыктатар у 2024 годзе задаўся пытаннем: «Ну, каму армяне патрэбныя, акрамя нас?» І, адказваючы на сваё ж пытанне, адзначыў: «Нікому яны не патрэбныя». «Хай развіваюць сваю эканоміку і арыентуюцца на тое, што ў іх ёсць. Якая Францыя? Які Макрон? Заўтра Макрона не будзе, і ўсе забудуць пра гэтую Арменію. Так жа, як было з Злучанымі Штатамі Амерыкі».

Каментуючы праз два гады словы Лукашэнкі, Пашынян заявіў, што Арменія патрэбная сваім міжнародным партнёрам.

«Рэспубліка Арменія патрэбная Кітаю, Злучаным Штатам, Еўрапейскаму саюзу, Ісламскай Рэспубліцы Іран, і ўсе гэтыя партнёры патрэбныя Рэспубліцы Арменія», – адзначыў армянскі прэм'ер, згадаўшы таксама Францыю, Германію, Польшчу, Вялікабрытанію і Грузію.

29 ліпеня, праз два дні пасля тэлефоннай размовы з Пуціным, Пашынян прадказаў пачатак канца Еўразійскага эканамічнага саюза (ЕАЭС), калі не будзе вырашана пытанне экспартных абмежаванняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com