Зяленскі перамовіў з Нетаньяху

Гэта была іх першая размова ў 2023 годзе.

Прэзідэнт Украіны Уладзімір Зяленскі правёў тэлефонныя перамовы з прэм'ер-міністрам Ізраіля Беньямінам Нетаньяху.

Пра гэта паведамляе Telegram-канал прэзідэнта Украіны.

Пра што гаварылі:

абмеркавалі магчымыя шляхі падтрымкі Украіны з боку Ізраіля ў супрацьстаянні расейскаму ўварванню;

узнялі пытанне павелічэння колькасці адмоваў украінскім грамадзянам ва ўездзе ў Ізраіль ва ўмовах дзеяння бязвізавага рэжыму. Прэзідэнт Уладзімір Зяленскі адзначыў важнасць выпраўлення гэтай сітуацыі.

«Беручы да ўвагі набліжэнне габрэйскага Новага года – Рош ха-Шана – і чаканага масавага прыбыцця паломнікаў-хасідаў ва Умань абмеркавалі пытанні іх бяспекі і рэагавання на магчымыя выклікі, беручы да ўвагі прадаўжэнне расейскага тэрору ракетамі і іранскімі дронамі», – напісаў Уладзімір Зяленскі.

Як паведамляе прэс-служба прэм'ер-міністра Нетаньяху, бакі таксама абмеркавалі дапамогу ў развіцці і прасоўванні ізраільскіх сістэмаў ранняй абвесткі аб паветранай трывозе.