Названыя самыя магутныя Android-смартфоны ў свеце на гэты момант

Хто ў лідарах?

Платформа для тэставання AnTuTu абнавіла рэйтынг самых магутных Android-смартфонаў на гэты момант, даступных на міжнародным рынку. Ён прыкметна адрозніваецца ад аналагічнага рэйтынгу для кітайскага рынку, піша «Уніян».

Лідарамі канчаткова замацаваліся працэсары Snapdragon ад Qualcomm, якія вытворцы часцей за ўсё ўсталёўваюць у свае флагманскія мадэлі. 9 з 10 пазіцый рэйтынгу дасталася Snapdragon 8 Gen 2, і толькі дзясятае месца падалі Snapdragon 8+ Gen 1.

Самым магутным Android-смартфонам на рынку сёння з'яўляецца Red Magic 8 Pro +, які дэбютаваў яшчэ ў канцы 2022 года.

– Убудаваны кулер на 20 000 абаротаў на хвіліну істотна дапамагае павысіць прадукцыйнасць, адзначаюць эксперты.

– Таксама ў яго ёсць гульнявы чып Red Core 2, які адказвае за геймерскія функцыі, накшталт правільнай працы трыгераў, вібрацыі і падсвятленні.

Другое месца дасталася Asus Phone ROG 7, а трэцяе – Xiaomi 13. У цэлым пераможная дзясятка выглядае так:

Раней спецыялісты AnTuTu таксама дзяліліся топам найлепшых Android-смартфонаў 2023 года ў катэгорыі «кошт-якасць». У самай таннай катэгорыі першае месца заняў Redmi Note 12 Turbo, а ў самай дарагой – iQOO11 Pro. Таксама зазначаецца, што ў апошнія месяцы мабільны рынак «захапілі» так званыя субфлагманы.

Што тычыцца «народнага» рэйтынгу смартфонаў, то больш за ўсё ў 2023 годзе карыстальнікі задаволеныя Realme GT5, які заняў сваё месца ў сярэднім коштавым сегменце. Гэты «серадняк» за $400, напрыклад, абышоў Galaxy S23 Ultra і Vivo x Fold2.