У небе пад Менскам заўважылі рэдкі «знак»

Фотафакт.

Фатаграфіяй адносна рэдкай прыроднай з'явы, сонечнага гало, падзяліўся адзін з чытачоў onliner.by.

З яго слоў, кадр зроблены сёння (21 студзеня) непадалёк ад Менска, у лагойскім кірунку. На здымак, хутчэй за ўсё, патрапіла так званае сонечнае гало.

Агулам гало завуць групу атмасферных аптычных з'яў, якія характарызуюцца ўзнікненнем другаснага свячэння вакол крыніцы святла, як правіла якое мае форму кола, кольцаў, дугі, светлавога слупа або «алмазнага пылу».

Гало звычайна з'яўляецца вакол Сонца ці Месяца. Існуе мноства тыпаў з'явы, але ўсе яны выкліканыя ледзянымі крышталямі ў пёрыстых аблоках у верхніх пластах трапасферы на вышыні 5-10 кіламетраў. Часам у марознае надвор'е магчымае з'яўленне гало, якое ўтвараецца крышталямі лёду, узважанымі ў атмасферы блізка да зямной паверхні. У гэтым выпадку гало нагадваюць зіготкія каштоўныя камяні.