24 траўня 2024, Пятніца, 3:22
Падтрымайце
сайт
Сім сім,
Хартыя 97!
Рубрыкі

Эпахальны бой паміж знішчальнікам з ШІ і самалётам з пілотам: што хаваюць у ЗША

21
Эпахальны бой паміж знішчальнікам з ШІ і самалётам з пілотам: што хаваюць у ЗША

Абодва барты адпрацоўвалі розныя сцэнары, высветлілі журналісты.

Прайшоў першы ў гісторыі «паветраны бой» паміж мадыфікаваным F-16 – самалёт, якім кіраваў штучны інтэлект (вядомы як X-62A), і бортам з пілотам, і наконт гэтага эпахальнага паядынку амерыканскія вайскоўцы сёе-тое хаваюць, піша Business Insider.

У ЗША чыноўнікі заявілі, што супрацьстаянне адбылося паспяхова, аднак, спасылаючыся на меркаванні нацыянальнай бяспекі, не паведамілі, хто атрымаў перамогу.

«Усё ідзе добра ці нават хутчэй, чым мы спадзяваліся», – сказаў журналістам кіраўнік праграмы ACE ва Упраўленні перспектыўных даследчых праектаў Мінабароны ЗША (DARPA) падпалкоўнік Раян Хефрон. У той жа час афіцэр падкрэсліў, што больш падрабязная інфармацыя наконт «паветранага бою» не можа быць пададзеная.

Журналісты таксама даведаліся, што «паветраны бой» прайшоў у верасні 2023 года на базе Вайскова-паветраных сіл ЗША «Эдвардс», якая знаходзіцца ў штаце Каліфорнія. «Абодва знішчальнікі адпрацоўвалі розныя сцэнары баёў», – адзначаецца ў матэрыяле. СМІ даведаліся, што хуткасць палёту бартоў дасягала 1900 км/г. На борце X-62A для падстрахоўкі знаходзіўся пілот.

X-62A створаны на базе двухмеснага самалёта F-16D. Пасля таго, як X-62A сабралі ў снежні 2022, ён здзейсніў больш за 20 выпрабавальных палётаў. СМІ адзначалі, што асаблівасць гэтага борта заключаецца ў тым, што ён можа імітаваць сістэмы любога лятальнага апарата.

Напісаць каментар 21

Таксама сачыце за акаўнтамі Charter97.org у сацыяльных сетках