У Вялікай Брытаніі сям'ю каментатара ВВС забілі з арбалета

Загінулі жонка і дзве дачкі Джона Ханта.

У Вялікай Брытаніі з арбалета забітыя жонка і дзве дачкі каментатара ВВС Джона Ханта. Гэта адбылося ў доме сям'і недалёка ад каралеўскага парку Бушы ў Лондане.

Жонцы Ханта быў 61 год, дочкам 25 і 28 гадоў.

Паліцыя затрымала падазраванага – 26-гадовага Кайла Кліфарда. Следчыя мяркуюць, што атака была мэтанакіраванай. Не выключана, што апроч арбалета зламыснік мог выкарыстоўваць і іншую зброю.

Паліцыянты заявілі, што Кліфард атрымлівае медыцынскую дапамогу праз траўмы, але паліцыя пры затрыманні не страляла.

Матывы нападу высвятляюцца.

Відавочцы расказалі, што ў школах у раёне паліцэйскай аперацыі былі заблакаваныя ўсе дзверы, а дзеці знаходзіліся ў бяспецы ўнутры памяшканняў.

BBC нагадвае, што брытанскае МУС разглядае магчымасць узмацнення жорсткасці законаў аб арбалетах. Паводле звестак міністэрства, у перыяд з 2011 да 2021 года было здзейснена блізу 10 забойстваў з выкарыстаннем падобных стралковых прыладаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com