Адно з самых чыстых азёраў Беларусі закрылі для купання

Названая прычына.

Адно з самых чыстых азёраў у Беларусі – возера Свіцязь у Гарадзенскай вобласці – закрылі для купання праз кішачную палачку. Больш падрабязна расказалі ў Навагрудскім занальным цэнтры гігіены і эпідэміялогіі.

Навагрудскія санэпідэміёлагі канстатавалі 22 ліпеня, што паўторныя лабараторныя даследаванні вады ў Свіцязі паказалі неадпаведнасці гігіенічным нарматывам у мікрабіялагічных паказніках з індыкатарным паказнікам – кішачная палачка E.coli. Праз нездавальняльную якасць вады занальны цэнтр накіраваў службовы ліст у Навагрудскі райвыканкам, каб прыпыніць купанне дзяцей і дарослых у акваторыі Свіцязі.

– З 22 ліпеня да атрымання вынікаў паўторных лабараторных даследаванняў вады на наяўнасць узбуджальнікаў інфекцый і інвазій, якія перадаюцца з вадой, – гаворыцца ў паведамленні.

Прычынай моцнага забруджвання вады на Свіцязі санэпідэміёлагі назвалі занадта вялікую плынь адпачывальнікаў праз анамальную спякоту, бо вада не паспявае ачысціцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com