У Растоўскай вобласці дрон збіў расейскі верталёт Мі-28
10- 5.07.2024, 13:48
- 31,080
![У Растоўскай вобласці дрон збіў расейскі верталёт Мі-28](https://i.c97.org/ai/601661/aux-head-1720176411-20240705_vert_atack_360.jpg)
Пасля экстраннай пасадкі пачаўся пажар.
У Растоўскай вобласці Расеі пасля сутыкнення з украінскім беспілотнікам УСУ здзейсніў экстранную пасадку верталёт Мі-28. Гэта справакавала магутны пажар - пад бортам праз высокую тэмпературу рухавіка загарэлася трава, агонь ахапіў амаль 500 квадратных метраў тэрыторыі.
Пра гэта паведамілі расейскія і ўкраінскія СМІ. Адзначаецца, што вайсковы верталёт пасярод поля ў Азоўскім раёне раніцай 5 ліпеня знайшлі мясцовыя фермеры. Чальцоў экіпажа паблізу не выявілі, сам борт - «сур'ёзна пашкоджаны». Для барацьбы з агнём на месца здарэння выехалі пажарныя.
![](https://i.c97.org/ai/601661/aux-1720176320-photo2024-07-0512-05-20.jpg)
![](https://i.c97.org/ai/601661/aux-1720176320-photo2024-07-0512-05-58.jpg)
Нагадаем, у гэтую ноч пасля атакі БПЛА ў Растове-на-Доне ў РФ успыхнуў тэрмінал на тэрыторыі завода нафтапрадуктаў.