Прэм'ер Брытаніі прызначыў новы ўрад
1- 5.07.2024, 18:20
- 10,554
![Прэм'ер Брытаніі прызначыў новы ўрад](https://i.c97.org/ai/601702/aux-head-1720192816-20240705_starmer_360.png)
Хто ўзначаліў ключавыя ведамствы.
Новы прэм'ер-міністр Вялікай Брытаніі Кір Стармер прызначыў чальцоў лейбарысцкай партыі на пасады ва ўрадзе. Першыя прызначэнні з'явіліся на старонцы прэм'ер-міністра ў X.
Намесніцай прэм'ера і дзяржсакратаркай у пытаннях развіцця, жыллёвага будаўніцтва і супольнасцяў будзе Анжэла Райнер. Таксама прызначаныя:
міністр замежных справаў – Дэвід Лэмі;
міністр абароны – Джон Хілі;
канцлер казначэйства (міністр фінансаў) – Рэйчэл Рыўз;
міністр унутраных справаў – Івет Купер;
міністр юстыцыі – Шабана Махмуд;
канцлер герцагства Ланкастэр – Пэт Макфадэн.
Як піша The Telegraph, Стармер збіраецца прызначыць на большасць асноўных месцаў ва ўрадзе сяброў так званага «ценевага кабінета міністраў», які быў створаны лейбарыстамі, калі яны былі ў апазіцыі.