Беларусы 10 гадоў захоўвалі даляры, а яны аказаліся фальшывымі

І такое бывае.

Берасцейская міліцыя паведамляе пра два выпадкі, калі ў абменніках усплылі фальшывыя стадаляравыя купюры. Паводле словаў людзей, якія спрабавалі здаць валюту, яны доўгі час захоўвалі даляры дома і не падазравалі, што купюры падробленыя, паведамляе «Анлайнер».

У Баранавічах мужчына спрабаваў абмяняць 100 даляраў, але супрацоўнік банка засумняваўся ў іх сапраўднасці і выклікаў міліцыю. Купюра аказалася падробленай.

Мужчына растлумачыў, што купюру прывёз з расейскай Анапы, дзе яна была ў 2016 годзе. Калі спатрэбіліся грошы, ён узяў даляры і пайшоў у абменнік. «Пра тое, што купюры падробленыя, ён не ведаў», – паведамляе міліцыя.

Падобны выпадак здарыўся ў Берасці. 63-гадовая расейка прынесла ў банк 100 даляраў, але не ведала, што яны фальшывыя. Жанчына растлумачыла, што купюру атрымала блізу 10 гадоў таму ад знаёмых у якасці падарунка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com