Лаўрэатка Нобелеўскай прэміі міру 2025 прысвяціла яе народу Венесуэлы і Трампу

Карына Мачада заявіла, што прысуджэнне прэміі было для яе нечаканым.

Лаўрэатка Нобелеўскай прэміі міру 2025, лідарка дэмакратычнага руху Венесуэлы Марыя Карына Мачада прысвяціла яе народу сваёй краіны і амерыканскаму прэзідэнту Дональду Трампу. Пра гэта яна напісала ў Х 10 кастрычніка.

«Я прысвячаю гэтую прэмію народу Венесуэлы, які пакутуе, і прэзідэнту Трампу за яго рашучую падтрымку нашай справы», — напісала венесуэльская апазіцыянерка.

Яна адзначыла, што сёння народ Венесуэлы «знаходзіцца на парозе перамогі» і, як ніколі раней, разлічвае на ЗША, Трампа, народы Лацінскай Амерыкі і дэмакратычныя краіны свету як «галоўных саюзнікаў у дасягненні свабоды і дэмакратыі».

У інтэрв'ю прадстаўнікам Нобелеўскага камітэта Карына Мачада сказала, што прысуджэнне прэміі было для яе нечаканым (аўдыёзапіс апублікаваны ў Х прэміі).

«Я ўсё яшчэ не магу ў гэта паверыць [...] Я толькі частка вялікага руху. Я ўдзячная і ганаруся не толькі гэтым прызнаннем, але і тым, што я з'яўляюся часткай таго, што адбываецца сёння ў Венесуэле», — падкрэсліла яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com