Расійскі мільярдэр Дзерыпаска прапанаваў абваліць рубель

Да 105 за долар.

Для рэзкага паскарэння расійскай эканомікі неабходна абваліць курс рубля, лічыць мільярдэр Алег Дзерыпаска.

Паводле меркавання бізнесмена, якое ён выказаў у Telegram, патрэбны эканоміцы курс складае 105 рублёў за долар.

З танным рублём, як лічыць Дзерыпаска, у Расіі пачне бурна развівацца аўтапрам, які пасля пачатку вайны і ўвядзення заходніх санкцый падаў да ўзроўняў СССР часоў Леаніда Брэжнева.

«У 2024 годзе ў Расіі выпусцілі ўсяго 1,073 млн аўтамабіляў, уключаючы грузавыя і аўтобусы. У Кітаі за той жа перыяд — 31 млн. Да 2030 года, паводле прагнозаў экспертаў, КНР будзе экспартаваць 10 мільёнаў аўтамабіляў на год. У Расіі ж — адваротная дынаміка: толькі за студзень–жнівень 2025 года вытворчасць аўтобусаў знізілася на 28–37%, грузавікоў — амаль на траціну», — піша Дзерыпаска.

Паводле мільярдэра, сакрэт кітайскага поспеху «вельмі просты». «Кітайскі шлях: стаўкі па доўгатэрміновых крэдытах — 4%, курс — 105 ₽/$. І праз чатыры гады ў вас галіна з 1,2 млн высокааплатных працоўных месцаў, дадатковы рост ВУП на 2% у год», — патлумачыў Дзерыпаска.

Паводле бізнесмена, які, акрамя алюмініевага гіганта «Русал», валодае групай ГАЗ, абвал рубля і танныя крэдыты дазволяць Расіі навучыцца вырабляць машыны, якія будуць прадавацца не толькі ўнутры краіны, але і за мяжой. Экспарт можа дасягнуць 1 млн аўтамабіляў штогод на $25 млрд, абяцае Дзерыпаска.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com