Авіякалапс у Расеі: скасаваныя і затрыманыя 400 рэйсаў

Рэйсы сарвалі атакі ўкраінскіх дронаў.

У трох буйных расейскіх аэрапортах - маскоўскім Шарамеццеве, пецярбургскім Пулкаве і ніжагародскім Чкалаве (Стрыгіна) - да 18 гадзін паводле менскага часу 6 ліпеня скасавалі або затрымалі амаль 400 рэйсаў, паведамляе «Радыё Свабода».

Прычынай сталі абмежаванні, уведзеныя для забеспячэння бяспекі палётаў на фоне нападаў украінскіх дронаў і неспрыяльных умоў надвор'я, гаворыцца ў заяве ведамства.

У Шарамеццеве скасавалі 171 рэйс, 56 рэйсаў затрыманы больш як на дзве гадзіны. У Пулкаве скасаваныя 90 рэйсаў, 37 затрыманыя. У Ніжнім Ноўгарадзе - 26 рэйсаў скасаваныя, 13 затрыманыя. Аэрапорт Чкалаў, як адзначае Мінтранс, сутыкнуўся з найбольш працяглымі абмежаваннямі.

У Мінтрансе запэўнілі, што сітуацыя пад кантролем, і падкрэслілі, што ў авіякампаній дастаткова рэсурсаў для работы ў складаных умовах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com