Прадстаўніца Расеі шакавала ААН цынічнай выхадкай

Глядзела ў тэлефон, пакуль у Радзе Бяспекі паказвалі фота забітага Расеяй дзіцяці.

29 жніўня адбылося экстраннае пасяджэнне Рады Бяспекі ААН праз расейскую масаваную атаку. Падчас пасяджэння прадстаўніца Расеі дэманстратыўна глядзела ў тэлефон, пакуль прэм'ер-міністарка Украіны Юлія Свірыдзенка паказвала фатаграфію забітага ў выніку абстрэлу дзіцяці.

Юлія Свірыдзенка расказала ў той час пра наступствы расейскіх удараў па Украіне, заклікаючы сусветную супольнасць адпаведна рэагаваць. Відэаролік з пасяджэння Рады Бяспекі ААН паказалі ў ТСН.

На кадрах відаць, як прадстаўніца Расеі дэманстратыўна сядзіць у тэлефоне на пасяджэнні Рады Бяспекі ААН, пакуль прэм'ерка Свірыдзенка паказвае фатаграфію дзіцяці, якое загінула праз расейскі абстрэл напярэдадні.

Расейка ў гэты час глядзела на свой смартфон і рабіла выгляд, быццам нешта з цікавасцю разглядае. Яна ніяк не адрэагавала на фатаграфію забітага дзіцяці ў руках Свірыдзенкі.

Як адзначылі ў ТСН, расейцы падчас пасяджэння Рады Бяспекі ААН адпрэчвалі абвінавачванні, выказаныя Украінай наконт масаваных абстрэлаў, і адмаўлялі сваю адказнасць у зробленым. Замест гэтага яны выказвалі незадаволенасць украінскімі ўдарамі па нафтаперапрацоўчых заводах Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com