Трамп выйшаў гуляць у гольф на фоне чутак аб сваёй смерці
31- 31.08.2025, 19:56
- 10,142
Фота: АР
Прэзідэнта ЗША «пахавалі» ў сацыяльных сетках.
Раніцай 30 жніўня прэзідэнт ЗША Дональд Трамп выйшаў пагуляць у гольф разам з унучкай Кай Трамп. Гэта першае публічнае з'яўленне амерыканскага лідара пасля чутак аб яго смерці, якія сталі масава з'яўляцца ў сацсетцы Х у апошнія дні.
Як піша Newsweek, Трампа некалькі дзён не бачылі на публіцы. На фоне гэтага ў сацсетках пачалі распаўсюджвацца здагадкі аб тым, што ён хворы ці памёр. Раніцай 30 жніўня іх адпрэчыў карэспандэнт Daily Caller у Белым доме Рэйган Рыз. На сваёй старонцы ў Х ён напісаў, што «цэлую гадзіну» гутарыў з прэзідэнтам ЗША 29 жніўня.
Карыстальнікі сацсеткі Х пачалі задавацца пытаннем: «Куды прапаў Трамп?». У сваіх допісах яны пісалі, што амерыканскі лідар не з'яўляўся на публіцы некалькі дзён, а на гэтыя выхадныя ў яго не запланавана ніякіх мерапрыемстваў.
Дзе Трамп? Хто кіруе краінай?» — абвяшчалі допісы ў X. Акрамя таго, карыстачы запусцілі хэштэг #trumpisdead.
Выданне Newsweek са спасылкай на чат-бота X, які працуе на базе штучнага інтэлекту, адзначыла, што допісы аб магчымай смерці Трампа да раніцы 30 жніўня прыцягнулі больш за 1,3 млн карыстальнікаў. Паводле справаздачы аналітычнай службы платформы, былі апублікаваныя амаль 158 тысяч паведамленняў, якія змяшчаюць фразу «Трамп памёр», і амаль 42 тысячы са словамі «Трамп мёртвы».
Чуткі з'явіліся на фоне заявы віцэ-прэзідэнта ЗША Джэй Ды Вэнса аб тым, што ён гатовы заняць пасаду амерыканскага кіраўніка, калі з Дональдам Трампам штосьці адбудзецца. Разам з тым Вэнс падкрэсліў, што ў яго начальніка «неймаверна моцнае здароўе» і «фантастычная энэргія».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
