У ААЭ завяршыўся першы раўнд перамоў Украіны, Расіі і ЗША

Сталі вядомыя падрабязнасці.

У Абу-Дабі (ААЭ) завяршыўся раўнд першых з пачатку вайны трохбаковых перамоў Украіны, Расіі і ЗША. Яны працягнуцца 24 студзеня, паведамляе «Суспільне».

Высокапастаўлены чыноўнік Белага дома паведаміў выданню, што сённяшняя трохбаковая сустрэча ў Абу-Дабі паміж ЗША, Украінай і Расіяй была прадуктыўнай.

Трохбаковыя перамовы пачаліся 23 студзеня, паведамляла Associated Press. Яны пачаліся праз некалькі гадзін пасля таго, як прэзідэнт Расіі Уладзімір Пуцін абмеркаваў урэгуляванне вайны ва Украіне з пасланцамі прэзідэнта ЗША Дональда Трампа у Маскве. Пасля гэтага Крэмль заявіў, што для заключэння мірнага пагаднення Кіеў павінен вывесці войскі з тэрыторый Данбаса, якія Расія незаконна акупавала, але ніколі цалкам не кантралявала.

Расійская дэлегацыя на трохбаковай сустрэчы ў Абу-Дабі складаецца толькі з прадстаўнікоў Міністэрства абароны; яе ўзначальвае начальнік Галоўнага разведвальнага ўпраўлення Ігар Кастюкоў. Украінскі бок прадстаўляюць сакратар Савета нацыянальнай бяспекі і абароны Украіны Рустэм Умераў, кіраўнік Офіса прэзідэнта Украіны Кірыл Буданаў, першы намеснік кіраўніка Офіса Сяргей Кісліця, кіраўнік фракцыі партыі «Слуга народа» Давід Арахамія і начальнік Генштаба Узброеных Сіл Украіны генерал-лейтэнант Андрэй Гнатаў.

Таксама ў ААЭ накіраваўся спецыяльны прадстаўнік Уладзіміра Пуціна, кіраўнік Расійскага фонду прамых інвестыцый Кірыл Дзмітрыеў. Ён павінен удзельнічаць у працы расійска-амерыканскай групы па эканамічных пытаннях разам з Уіткофам, піша Руская служба Бі-бі-сі.

ЗША ў Абу-Дабі прадстаўляюць галоўныя перамоўшчыкі апошніх месяцаў: спецпасланнік прэзідэнта Стыў Уіткоф і зяць Дональда Трампа Джарэд Кушнер. Крэмль паведамляў, што да іх далучыўся камісар Федэральнай службы па закупках Упраўлення агульных службаў ЗША Джош Грюнбаўм.

Галоўнай тэмай трохбаковых перамоў, як заявіў 23 студзеня прэзідэнт Украіны Уладзімір Зяленскі, будуць Данецкая і Луганская вобласці. У сваім вечаровым відэазвароце ўкраінскі лідар адзначыў, што члены дэлегацыі дакладваюць яму з Эміратаў амаль кожную гадзіну.

«Гавораць пра параметры заканчэння вайны. Цяпер у іх павінна быць, прынамсі, частка адказаў ад Расіі, і галоўнае, каб Расія была гатовая завяршыць гэтую вайну, якую сама і пачала. Украінскія пазіцыі выразныя. Рамкі для дыялогу я вызначыў для нашай дэлегацыі. <�…> Па змесце перамоў сёння пакуль яшчэ рана рабіць высновы — мы паглядзім, як размова пойдзе заўтра і якія будуць вынікі», — сказаў Уладзімір Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com