Bloomberg: Адзін з найбагатых расіян назваў галоўную праблему эканомікі РФ
1- 11.10.2026, 10:47
- 1,666
Фота: Bloomberg
Крэмль не апраўдаў чаканняў расійскіх бізнес-эліт.
Адзін з найбагатых людзей Расіі і кіраўнік горназдабыўной кампаніі «Норнікель» Уладзімір Патанін заявіў, што галоўная праблема для бізнесу ў Расіі — недахоп інвестыцый, паведамляе Bloomberg (пераклад — сайт Charter97.org).
«Пакуль што мы не можам сказаць, што прайшлі найніжэйшую кропку», — сказаў Патанін.
Улады спрабуюць збалансаваць бюджэт. Гэта можа стварыць умовы для зніжэння ключавой стаўкі і іншых мер падтрымкі эканомікі. Аднак рост падаткаў можа звесці гэтыя намаганні на нішто.
Міністэрства эканамічнага развіцця Расіі прагназуе рост ВУП толькі на 0,6% у гэтым годзе. Пры гэтым дэфіцыт бюджэту павялічваецца, бо Масква накіроўвае ўсё больш сродкаў на вайну супраць Украіны і вымушаная шукаць дадатковыя даходы за кошт бізнесу.
Для горназдабыўных кампаній улады прадугледзелі падатак на звышпрыбытак у памеры да 30% на 2027–2029 гады. «Норнікель» уваходзіць у лік кампаній, якія пацярпяць ад гэтай меры мацней за іншых.
Патанін пагадзіўся, што бізнесу давядзецца плаціць больш падаткаў, але заявіў, што дадатковыя зборы павінны спаганяцца толькі з прыбытку. Непрадказальнасць падатковай палітыкі перашкаджае кампаніям планаваць інвестыцыі і можа аказацца больш сур'ёзнай перашкодай, чым высокія стаўкі або недахоп капіталу.
Мільярдэр таксама нагадаў, што два гады таму бізнес падтрымаў падатковыя рэформы, разлічваючы на стабільнасць правілаў да 2030 года. Аднак гэтыя чаканні не спраўдзіліся.
Патанін займае трэцяе месца сярод найбагатых расіян паводле версіі Bloomberg Billionaires Index. Яго стан ацэньваецца ў $22 млрд.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
