У Румыніі зноў упаў дрон падчас атакі РФ на Украіну

На месцы падзення ўспыхнуў пажар.

На тэрыторыі Румыніі зноў зафіксавалі падзенне верагоднага дрона падчас начной атакі Расіі на Украіну 2 кастрычніка. На месцы ўзнік пажар.

Пра гэта паведамляе «РБК-Украіна» са спасылкай на прэс-службу Міністэрства абароны Румыніі.

Як паведамілі ў ведамстве, румынская радыёлакацыйная сістэма назірання зафіксавала новыя атакі дронаў на грамадзянскія аб’екты і аб’екты інфраструктуры ва Украіне, паблізу рачной мяжы з Румыніяй, у паўночнай частцы ўезда Тулча.

Каля 05:00 раніцы паступіла паведамленне пра тое, што аб’ект — верагодна, дрон — упаў паблізу вёскі Плаура, што ў ўездзе Тулча, пасля чаго ўспыхнуў пажар.

Адзначаецца, што ахвяр і матэрыяльнай шкоды не зафіксавана.

На месца здарэння для тушэння пажару накіравалі пажарную машыну і брыгады Міністэрства нацыянальнай абароны. Тэрыторыю ачапілі, а спецыялізаваныя брыгады Мінабароны правядуць расследаванне на месцы здарэння.

«Хочам адзначыць, што радыёлакацыйныя сістэмы Міністэрства нацыянальнай абароны не зафіксавалі ўчора ўначы ніякіх несанкцыянаваных уварванняў у паветраную прастору краіны», — дадалі ў Мінабароны.

Нагадаем, 29 верасня на ўсходзе Румыніі выявілі абломкі невядомага аб’екта, падобнага на дрон. На месцы ўзнік пажар. Полымя пазней згасла самастойна. Пацярпелых няма, матэрыяльную шкоду таксама не зафіксавалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com