Будынак былога галоўнага офіса «Трайпла» Юрыя Чыжа выставілі на аўкцыён

Раскрыты кошт.

На таргі за даўгі ўладальніка выставілі васьміпавярховы адміністрацыйны будынак на праспекце Пераможцаў у Мінску, дзе раней знаходзіўся галоўны офіс кампаніі «Трайпл» Юрыя Чыжа. Аб’ект нерухомасці з’явіўся на пляцоўцы «БелЮрОбеспечение», піша Office Life.

Пачатковы кошт лота складае 25 млн рублёў. Агульная плошча памяшканняў, выставленых на аўкцыён, дзе цяпер знаходзяцца офісы розных кампаній, складае каля 6,6 тыс. кв. м. Таргі запланаваныя на 20 кастрычніка, а заяўкі ад удзельнікаў прымаюць да 16:00 19 кастрычніка.

Даўжніком у дакументах аўкцыёну пазначана кампанія «Белситиойл». У 2022 годзе гэта кампанія, якой на той момант валодаў сын Юрыя Чыжа, выкупіла сядзібу «Маковза» — яе таксама распродавалі за даўгі.

Кампанія «Трайпл» працавала на беларускім рынку з 1992 года і ў розныя гады займалася аптовым гандлем, вытворчасцю, рытэйлам (сеткай ProStore), імпартам нафты, а таксама валодала футбольным клубам «Дынама-Мінск» і будавала гарналыжны комплекс у Лагойску. У 2020 годзе яна падала заяву аб банкруцтве, а летам 2021-га ў адносінах да кампаніі ўвялі працэдуру санацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com