Чэшскі трэнер даў інтэрв'ю, ні разу не зірнуўшы на журналістку

Відэа развеселіла інтэрнэт.

Футбольны клуб «Віягем» з горада Усці-над-Лабем выступае ў другім дывізіёне чэмпіянату Чэхіі і ў прынцыпе ў гэтым сезоне нічым асабліва цікавым не адзначыўся. Аднак нядаўна каманда прайграла на сваім полі «Апаве», а пасляматчавае інтэрв'ю з галоўным трэнерам адразу стала вірусным, перадае «Онлайнер».

Уся справа ў тым, што галоўны трэнер каманды Давід Оўлехла падчас размовы ні разу не паглядзеў на клубную рэпарцёрку Сабіну Якшаву. Чаму так сталася, застаецца толькі здагадвацца.

Відэа літаральна адразу стала вірусным, а каментатары пачалі абмяркоўваць вытрымку Давіда. Цяпер у інтэрв'ю больш за 1,5 млн праглядаў і звыш 2 тыс. каментароў.

«У яго спакой, як у нападніка, які забівае 30 галоў за сезон»;

«Малайчына, ты трымаўся»;

«Ён працаваў старанней у гэтым інтэрв'ю, чым уся каманда падчас гульні»;

«Дайце яму залатую медаль».

«Давід мае вельмі моцную волю, і мы ў клубе ім ганарымся. Я не заўважыла, што ён адводзіў позірк, бо засяродзілася на тым, што ён казаў», — пазней распавяла журналістка.

Яшчэ летам, калі трэнер узначаліў каманду, ён пажартаваў, што жонка забараняе яму глядзець на журналістак падчас флэш-інтэрв'ю.

Сабіна прызналася, што была здзіўленая такой увазе па-за межамі Чэхіі, хоць згодная, што на радзіме яна папулярная тэлевядоўца.

Сабіна Якшава — журналістка і блогерка. На сваёй старонцы яна часта публікуе фатаграфіі ў яскравых, а часам і правакацыйных уборах. Пры гэтым сама Сабіна не лічыць іх такімі і падкрэслівае, што клуб успрымае футбол у тым ліку і як шоу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com