Лукашэнку зрабілася блага з-за работнікаў на «Белкамунмашы»

Дыктатар запатрабаваў перадаваць спісы «нярадзівых» работнікаў Качанавай і міністру абароны.

На праблему з «дысцыплінай сярод работнікаў» холдынгу «Белкамунмаш» звярнуў увагу Аляксандр Лукашэнка 23 кастрычніка падчас размовы з кіраўніком прадпрыемства Міхаілам Сымановічам.

«Калі мне сказалі, што ў цябе на прадпрыемстве няма дысцыпліны, мне крыху зрабілася блага. Ну што значыць няма дысцыпліны ў наш час? Калі вы цяпер не можаце, як у нас у народзе кажуць, навесці дысцыпліну, я не ведаю, як вы будзеце заўтра працаваць», — заявіў Аляксандр Лукашэнка.

Ён падкрэсліў, што «сёння сітуацыя складваецца такая, што нават журналісты баяцца парушыць дысцыпліну».

«А ў нас рабочы клас паводзіць сябе расхлябана. Якая тады можа быць якасць? Я разумею, што ў нас жа такая дэмакратыя, што некаторыя могуць і паслаць кіраўніка. Дык вы нам прозвішчы [вінаватых] называйце такія. [Старшыня «Савета Рэспублікі»] Качанава ў вас упаўнаважаная. Яна заўтра [міністру абароны Віктару] Хрэніну іх перадасць. Залатыя людзі будуць», — расказаў Аляксандр Лукашэнка.

Дыктатар дадаў, што пра дысцыпліну «увогуле і гаворкі быць не павінна», папярэдзіўшы, што «за гэта спыт будзе найжорсткі».

«Я вельмі ўважліва за гэтым сачу», — падкрэсліў Аляксандр Лукашэнка.

Раней дыктатар распарадзіўся адправіць «нярадзівых аграрыяў» на зборы ў армію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com