Адміністрацыя гомельскай ВНУ выпадкова зліла фота сакрэтнага аб’екта

Ваенны гарадок трапіў на здымкі ідэолагаў БелДУТа.

Адміністрацыя Беларускага дзяржаўнага ўніверсітэта транспарту апублікавала на сваіх рэсурсах фота, на якім «Флагшток» распазнаў сакрэтны аб’ект, які цяпер узводзяць у Гомельскім раёне.

Ідэолагі хацелі паказаць, як выкарыстоўваецца неаплачваная праца студэнтак-«актывістак» БелДУТа. Яны распісвалі інтэр’еры для ААТ «Гомельскі домабудаўнічы камбінат». Пры гэтым будоўлю назвалі проста «аб’ектам». Як раней высвятлілі журналісты, у дакументах дзяржзакупак «аб’ектам» найчасцей называюць будоўлю ваеннага гарадка ў Гомельскім раёне каля вёскі Прыбор, заказчыкам па ім часта выступае той жа домабудаўнічы камбінат.

На фотаздымках паказаныя вынікі працы студэнтак: роспіс на сценах. На адным з здымкаў ёсць шырокае акно з прыкметным пейзажам з жалезабетонных каркасаў на фоне сасновага лесу. У Гомельскай вобласці не так шмат будоўляў, якія па вонкавым выглядзе нагадваюць узвядзенне ваеннага гарадка Сіл спецыяльных аперацый Беларусі.

Найбольш верагодна, здымак быў зроблены ў будынку з функцыямі сацкультбыту ваеннага гарадка (на спадарожнікавым здымку ён пад жоўтым дахам).

Фота сведчыць аб высокай ступені гатоўнасці ключавых пабудоў ваеннага гарадка, а таксама пра тое, што маштабнае будаўніцтва працягваецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com