Сірыя запатрабавала міжнароднага расследавання гібелі сухагрузу з яе маракамі ля берага Балгарыі

Пасля атакі беспілотнікаў зніклі без вестак 10 членаў экіпажа.

Сірыя запатрабавала ад Міжнароднай марской арганізацыі (IMO) і ўладаў Балгарыі правесці незалежнае расследаванне гібелі грузавога судна Alfa Watan у Чорным моры. Пасля атакі беспілотнікаў прапалі без вестак 10 членаў экіпажа, у тым ліку дзевяць сірыйцаў, паведамляе Reuters са спасылкай на дырэктара па міжнародных адносінах Галоўнага ўпраўлення партоў і мытні Сірыі Мазена Алуша. Ён заклікаў выкарыстаць усе даступныя тэхнічныя сродкі для выяўлення абломкаў судна. У сераду балгарскі віцэ-адмірал Румен Ніколаў паведаміў, што ратавальнікі не змаглі выявіць слядоў экіпажа і ўлады не плануюць аднаўляць аперацыю.

Судна Alfa Watan пад сцягам Тога патанула рана раніцай у аўторак прыкладна ў 130 км ад узбярэжжа Балгарыі. У тую ж ноч беспілотнікі атакавалі іншае грузавое судна пад сцягам Палау. На яго борце пачаўся пажар. Усіх 18 маракоў эвакуявалі, двое атрымалі траўмы. Абодва судны знаходзіліся ў выключнай эканамічнай зоне Балгарыі, але па-за межамі яе тэрытарыяльных вод.

Прэзідэнт Украіны Уладзімір Зяленскі абвінаваціў Расію ў атаках на гандлёвыя суда. Паводле яго слоў, Масква спрабуе зрабіць заходнюю частку Чорнага мора непрыдатнай для судаходства. Прэм’ер Балгарыі Румен Радзеў дапусціў датычнасць Расіі, спаслаўшыся на характар грузу і маршруты суднаў. Ён кажа, што не мае прамых доказаў датычнасці Масквы. Пасольства Расіі ў Балгарыі заявіла, што гандлёвае судна не ўваходзіла ў лік мэт расійскіх беспілотнікаў.

Атакі могуць быць спробай Расіі перакрыць украінскі марскі экспартны калідор, піша швейцарская Neue Zürcher Zeitung. Кіеў адкрыў гэты маршрут уздоўж узбярэжжа Румыніі і Балгарыі пасля выхаду Масквы з зернавай здзелкі ў ліпені 2023 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com