У Беларусі хочуць павялічыць перапынак на працы

Новая норма закране не ўсіх.

У Беларусі рыхтуюць новую рэдакцыю закона «Аб ахове працы». Адна з паправак тычыцца перапынкаў на працы: праўладная Федэрацыя прафсаюзаў Беларусі (ФПБ) прапанавала павялічыць іх мінімальную працягласць. Ініцыятыву ўжо ўключылі ў законапраект, паведамляе БелТА.

Новая норма закране тых, хто працуе на адкрытым паветры пры экстрэмальных тэмпературах — як у моцныя маразы, так і ў спёку. Для такіх работнікаў прапануюць замацаваць мінімальную працягласць спецыяльных перапынкаў не менш як 10 хвілін.

Як растлумачыў галоўны тэхнічны інспектар працы ФПБ Павел Манько, раней з гэтым узнікалі праблемы. У шэрагу арганізацый перапынкі давалі толькі фармальна, літаральна на некалькі хвілін, а ў работнікаў адной прафесіі час адпачынку мог адрознівацца ў залежнасці ад прадпрыемства. Адзіны мінімальны парог павінен ліквідаваць гэтую розніцу.

Праўладныя прафсаюзы прапануюць і іншыя змяненні. У прыватнасці, у закон хочуць унесці палажэнні пра тое, што наймальнікі павінны садзейнічаць навучанню і заахвочванню грамадскіх інспектараў па ахове працы. Гэта работнікі прадпрыемстваў, якія, акрамя сваёй асноўнай працы, сочаць за выкананнем патрабаванняў бяспекі, выяўляюць рызыкі і дапамагаюць ліквідаваць парушэнні.

Акрамя таго, новая рэдакцыя ўдакладніць правы і абавязкі наймальнікаў у сферы аховы працы. Таксама прапануецца ўвесці паняцце «кіраванне прафесійнымі рызыкамі», якое ахоплівае комплекс захадаў: ад выяўлення небяспек на працоўных месцах да ацэнкі рызык і іх ліквідацыі або зніжэння.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com