Фіцо паскардзіўся, што Мерц жорстка яго аблаяў

Прэм'ер Славакіі апынуўся пад шквалам крытыкі з боку канцлера Германіі.

Прэм'ер-міністр Славакіі Роберт Фіцо сцвярджае, што апынуўся пад шквалам крытыкі з боку нямецкага канцлера Фрыдрыха Мерца, калі не хацеў падтрымаць антырасійскія санкцыі.

Пра гэта паведамляе Denník N.

Фінансаванне Украіны і фармаванне доўгатэрміновага бюджэту Еўрапейскага саюза сталі двума пытаннямі, вакол якіх у апошнія тыдні ўзнікаюць спрэчкі паміж краінамі-членамі ЕС.

У панядзелак канцлер Германіі Фрыдрых Мерц звязаў гэтыя тэмы і заявіў, што заблакуе прыняцце агульнага бюджэту Еўрасаюза, калі ўсе дзяржавы-члены не пагодзяцца працягваць фінансавую падтрымку Украіны пасля 2027 года.

«Тое, што робіць федэральны канцлер, - гэта тыповы шантаж, і я яго адхіляю», - заявіў Фіцо.

Славацкі прэм'ер падкрэсліў, што ягоная краіна, як і Германія, мае права вета, а таксама можа самастойна вызначаць сваю пазіцыю па важных пытаннях.

«Вялікія немцы нешта кажуць, дык што, будзем гнацца за гэтым? Не, не будзем», - заявіў Фіцо.

Варта адзначыць, што Мерц спрабуе паўплываць на пазіцыі Славакіі, Венгрыі і Чэхіі. Гэтыя краіны раней заявілі, што не будуць удзельнічаць у далейшым фінансаванні Кіева. Падобнага рашэння, верагодна, будзе прытрымлівацца і Балгарыя.

Роберт Фіцо, які раней звязваў падтрымку антырасійскіх санкцый з перспектывамі павелічэння імпарту расійскіх энергарэсурсаў у ЕС, расцэньвае дзеянні Мерца як шантаж. Ён таксама падкрэсліў, што Славакія не пагодзіцца выдзяляць «нават еўра для Украіны».

«Што гэта за бязглуздзіца? Чаго яны ад мяне хочуць? Мне што, павінна быць страшна, што канцлер Германіі нешта кажа?... Мы не будзем цярпець гэтае лайно ад канцлера Германіі», - заявіў славацкі прэм'ер.

Пасля гэтага Фіцо ўспомніў размову з Мерцам, якая адбылася пасля таго, як летась ён заблакаваў чарговы пакет антырасійскіх санкцый.

«Я памятаю першую размову з ім, калі ён патэлефанаваў мне і крычаў у слухаўку, пытаючыся, што я раблю, калі блакую санкцыі супраць Расійскай Федэрацыі, паколькі гэта закранала славацкія інтарэсы. Ён таксама пагразіў спыніць усе нашы сродкі, і я не ведаю, што яшчэ», - абурыўся Фіцо.

Пра тэлефонную размову палітыкаў паведамлялася яшчэ ў студзені гэтага года. Тады было вядома, што яны абмяркоўвалі крытычнае стаўленне славацкага ўрада да курса развіцця Еўрапейскага саюза.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com