У Мінску адны замежнікі выкралі і катавалі іншых

Злачынцы патрабавалі за іх вызваленне індыйскія рупіі.

У Мінску ўступіў у законную сілу прысуд двум замежнікам ва ўзросце 20 і 36 гадоў, якіх абвінавацілі ў выкраданні людзей і вымагальніцтве. Абодва раней не мелі судзімасцяў, паведамляе агенцтва «Мінск-Навіны» са спасылкай на пракуратуру Мінска.

Як паведамілі ў пракуратуры Мінска, мужчыны, дзейнічаючы па папярэдняй змове, выкралі двух замежных грамадзян 1997 і 2001 гадоў нараджэння. Яны прыехалі ў Беларусь транзітам, каб пазней выехаць у краіны Еўрасаюза.

Зламыснікі замкнулі іх у арэндаванай кватэры на праспекце Незалежнасці і запатрабавалі за вызваленне 3,6 мільёна індыйскіх рупій — больш за 135 тысяч беларускіх рублёў.

Пахітчыкі забралі ў пацярпелых усе наяўныя грошы, а затым прымусілі іх праз мэсенджары тэлефанаваць сваякам па аўдыё- і відэасувязі і прасіць перадаць неабходную суму.

На працягу як мінімум 20 гадзін абвінавачаныя здзекаваліся з мужчын: білі іх рукамі, нагамі і дзяржальняй нажа па галаве і целе, катавалі і прыніжалі. Усё гэта суправаджалася пагрозамі забойствам, калецтвам і сэксуальным гвалтам.

Адзін з пацярпелых змог аказаць нападнікам актыўны супраціў, дзякуючы чаму абодвум мужчынам удалося выбрацца з кватэры. Вымагальнікаў затрымалі, супраць іх узбудзілі крымінальную справу і ўзялі пад варту.

На судовым пасяджэнні адзін з абвінавачаных цалкам адмаўляў сваю віну, другі прызнаў яе часткова.

Старэйшы з мужчын мае сярэднюю адукацыю, жанаты і выхоўвае васьмігадовае дзіця. Малодшы скончыў толькі сем класаў, нежанаты. Абодва афіцыйна нідзе не працавалі, не мелі пастаяннай рэгістрацыі і месца жыхарства ў Беларусі.

Суд прызнаў іх вінаватымі ў выкраданні чалавека і вымагальніцтве. Кожнаму прызначылі па дзевяць гадоў пазбаўлення волі ў выпраўленчай калоніі ўзмоцненага рэжыму, а таксама штраф у памеры 300 базавых велічынь — 13 500 рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com