У Мінскім раёне заўважылі нашэсце ласей

Пра сустрэчы з імі паведамляюць жыхары розных куткоў раёна.

Чытачы з розных куткоў Мінскага раёна паведамляюць «Онлайнеру» пра свае сустрэчы з дзікімі жывёламі на дарогах. Напярэдадні здарылася ДТЗ, якое скончылася трагічна.

— Аварыя адбылася каля 18:30 на 25-м кіламетры аўтадарогі М4 «Мінск — Магілёў» Мінскага раёна. 49-гадовы мінчанін на Toyota здзейсніў наезд на лася, які раптоўна выйшаў на праезную частку, пасля чаго з'ехаў у правы па напрамку руху кювет, дзе перакуліўся, — паведамляюць у ДАІ.

70-гадовая пасажырка скончалася на месцы здарэння. Вадзіцель аўтамабіля і яго другі пасажыр, 49-гадовая жанчына, у бальніцы.

У іншых ваколіцах Мінска на дарозе таксама заўважаюць ласей. Напрыклад, пазаўчора кіроўца на лясной дарозе ад «Зялёнай гавані» да Вялікага Трасцянца спачатку сустрэў лася, потым казулю. Час быў каля 18:00.

Лось часцей стаў трапляць у поле зроку людзей і ў Ждановічах. Як падзяліліся мясцовыя жыхары, днямі ён выйшаў да аднаго з участкаў — відаць, каб пакаштаваць плады з яблыні. Праз дзень выскачыў перад таксі на выездзе на трасу. На працягу месяца на праезнай частцы яго (ці ягоных суродзічаў) бачылі яшчэ як мінімум двойчы, прычым у розных частках населенага пункта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com