«Мы жывём, пакуль памятаем пра нашых герояў»: у Вільнюсе прайшла акцыя салідарнасці

Беларусы ўшанавалі памяць забітых удзельнікаў пратэстаў 2020 года

Некалькі дзясяткаў чалавек сабраліся вечарам 12 лістапада ля пасольства Беларусі, каб нагадаць пра суайчыннікаў, якія загінулі шэсць гадоў таму. Акцыя прайшла ў гадавіну смерці Рамана Бандарэнкі.

Адзін з удзельнікаў пікету, каардынатар грамадзянскай кампаніі «Еўрапейская Беларусь» Максім Вінярскі, расказаў тэлеграм-каналу «Баста», чаму важна нагадваць пра злачынствы рэжыму.

«Гэтую старонку нашай агульнай гісторыі нельга перавярнуць да таго часу, пакуль усе, датычныя да гэтага і іншых жудасных злачынстваў, не панясуць поўнай адказнасці, — сказаў ён. — Лукашэнка — не проста дыктатар, ён забойца. Ён і яго падручныя нясуць адказнасць за гвалт і кроў нашых суайчыннікаў, пралітую пасля сфальсіфікаваных выбараў 2020 года і ў наступны перыяд.

Мы жывём, пакуль памятаем пра нашых герояў. Мы не можам гэтага забываць, не можам дазволіць дыктатарам і іх прыспешнікам вярнуцца на «дыпламатычную арэну» або рабіць выгляд, што яны маюць хаця б нейкае права весці дыялог на роўных з лідарамі цывілізаваных дэмакратычных дзяржаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com