18 лiстапада 2026, Серада, 19:24
Падтрымайце
сайт
Сім сім,
Хартыя 97!
Рубрыкі

У Парыжы паліцыянты ў цывільным правялі ўласную акцыю пратэсту

У Парыжы паліцыянты ў цывільным правялі ўласную акцыю пратэсту

Яны запатрабавалі павышэння выплат на фоне пратэстаў, якія працягваюцца па ўсёй краіне.

У Францыі 17 і 18 лістапада паліцыянты выйшлі на пратэсты ля будынка Міністэрства ўнутраных спраў у Парыжы. Пра гэта паведамілі тэлеканал BFM і газета Le Figaro.

Каля 400–500 супрацоўнікаў сілавых структур у цывільным адзенні запатрабавалі павышэння выплат на фоне пратэстаў, якія працягваюцца па ўсёй краіне. Сярод удзельнікаў акцыі былі прадстаўнікі аддзела крымінальных расследаванняў, разведвальных службаў і памежнай паліцыі.

Акцыю арганізаваў прафсаюз паліцыі Alliance Police Nationale. Галоўныя патрабаванні пратэстоўцаў — павелічэнне надбаўкі за рызыку, якая не змянялася цягам некалькіх гадоў, і абарона іх правоў. Прафсаюз заявіў, што праца ў ачапленні падчас усіх папярэдніх забастовак у Парыжы прывяла да моцнага перанапружання супрацоўнікаў сілавых структур.

Бягучая хваля забастовак і мітынгаў у Францыі пачалася з пратэстаў школьнікаў у верасні. Яны скардзіліся на недахоп настаўнікаў, перапоўненыя класы і стан навучальных будынкаў. Пазней да іх далучыліся студэнты, прафсаюзы і прыхільнікі «жоўтых камізэлек». На агульнанацыянальныя акцыі 17 кастрычніка выйшлі каля 550 тыс. чалавек паводле ацэнак МУС і 800 тыс. паводле даных арганізатараў. У некалькіх гарадах адбыліся сутычкі з паліцыяй, падпалы і рабаванні.

Напісаць каментар

Таксама сачыце за акаўнтамі Charter97.org у сацыяльных сетках

▲