19 лiстапада 2026, Чацвер, 17:30
Падтрымайце
сайт
Сім сім,
Хартыя 97!
Рубрыкі

Беспілотнікі атакавалі Татарстан: паражана ключавая нафтаперакачвальная станцыя Расіі

3
Беспілотнікі атакавалі Татарстан: паражана ключавая нафтаперакачвальная станцыя Расіі

Прагрымела прынамсі 16 магутных выбухаў.

У ноч на 19 лістапада беспілотнікі атакавалі Альмет'еўск у Татарстане, мясцовыя паведамляюць прынамсі пра 16 магутных выбухаў. Магчымай мэтай называюць нафтаперакачвальную станцыю «Калейкіна» кампаніі «Транснефть».

Пра гэта паведамляе РБК-Украіна са спасылкай на мясцовых жыхароў і расійскія тэлеграм-каналы.

Мясцовыя жыхары паведамляюць пра працу СПА і не менш як 16 магутных выбухаў. У Татарстане з 03:00 дзейнічае рэжым «беспілотнай небяспекі», а ў некалькіх аэрапортах былі ўведзеныя абмежаванні.

Афіцыйныя звесткі пра наступствы атакі расійскія ўлады пакуль не абнародавалі.

Нафтаперакачвальная станцыя «Калейкіна» належыць кампаніі «Транснефть» і з'яўляецца адным з ключавых вузлоў нафтаправоднай сістэмы Расіі

Яна прымае нафту з некалькіх рэгіёнаў і перакачвае яе ў бок Самары і Ніжняга Ноўгарада.

Татарстан апынаецца пад ударамі не ўпершыню за апошнія дні. У ноч на 15 лістапада пасля атакі ўспыхнуў пажар у Ніжнекамску на заводзе «Ніжнекамскнафтахім»

Удары па расійскай нафтавай галіне працягваюцца з канца кастрычніка. За два тыдні Сілы абароны атакавалі больш за трэць нафтаперапрацоўчых магутнасцяў Расіі, а за адзін тыдзень парушылі працу дзевяці найбуйнейшых НПЗ.

Напісаць каментар 3

Таксама сачыце за акаўнтамі Charter97.org у сацыяльных сетках

▲