Амерыканскія ваенныя прыбылі да мяжы з Беларуссю
1- 19.11.2026, 13:56
Іх прывітаў прэзідэнт Літвы.
У межах новай ваеннай ратацыі у Літву прыбылі ваенныя з ЗША. Паводле слоў камандуючага арміяй Літвы генерала Раймундаса Вайкшнораса, на пастаяннай аснове ў краіне знаходзіцца каля 1000 амерыканскіх вайскоўцаў.
Калі раней у Літве дыслакаваліся механізаваны і артылерыйскі батальёны, то цяпер гэта механізаваны і інжынерны. Нядаўна ваенных новай ратацыі на палігоне ў Пабрадзе прывітаў прэзідэнт Гітанас Наўседа.
Чаму амерыканцаў размясцілі менавіта ў Пабрадзе
Як адзначае Forsal.pl, месца дыслакацыі выбрана невыпадкова: Пабрадзе знаходзіцца прыкладна за 20 кіламетраў ад мяжы з Беларуссю, а па прамой — за 15.
Паводле дадзеных польскага выдання, механізаваны батальён перадусім будзе назіраць за ўчасткам, забяспечваць бяспеку і весці разведку з выкарыстаннем бранятэхнікі. Інжынерныя спецыялісты адказваюць за падтрымку перамяшчэння саюзніцкіх войскаў і абарону салдат і тэхнікі. Запланаваная прысутнасць працягнецца 9 месяцаў.
Такім чынам, пасля часовага скарачэння амерыканская ваенная прысутнасць у Літве вяртаецца да ўзроўню мінулых гадоў.