21 лiстапада 2026, Субота, 20:29
Падтрымайце
сайт
Сім сім,
Хартыя 97!
Рубрыкі

На падняцце пашкоджанай часткі Крымскага моста расійскім акупантам спатрэбіцца да года

На падняцце пашкоджанай часткі Крымскага моста расійскім акупантам спатрэбіцца да года

Пра гэта паведаміў міністр абароны Украіны.

Расійскім акупантам спатрэбіцца ад некалькіх месяцаў да года, каб падняць пашкоджаны ў выніку ўдараў украінскіх сіл элемент Крымскага моста. Пра гэта паведаміў міністр абароны Украіны Яўген Хмара на сустрэчы прэзідэнта Украіны Уладзіміра Зяленскага з дзяржаўным сакратаром Вялікабрытаніі па пытаннях абароны Уэсам Стрытынгам. Відэа апублікаваў Ukrinform на YouTube, адзначае «Гордон».

Хмара адзначыў, што разбурэнне аўтамабільнага моста ў цэлым перашкодзіла свабоднаму праходу суднаў пад мостам. Зараз акупанты праводзяць даследаванне пашкоджанняў.

«Спусцілі вадалазаў, разбіраюцца ў дэталях, як можна падняць і адцягнуць пашкоджаны элемент моста. Мы ацэньваем час, калі яны ажыццяўляць пад’ём і адвод гэтай канструкцыі [аркі і аўтамабільнай часткі моста], як перыяд ад некалькіх месяцаў», — сказаў Хмара.

Зяленскі дадаў, што Сілы абароны Украіны правялі сур’ёзную аперацыю: знішчалі шмат рознай зброі на шляху да моста — той зброі, якую Расія штодня выкарыстоўвала супраць украінцаў.

Напісаць каментар

Таксама сачыце за акаўнтамі Charter97.org у сацыяльных сетках

▲