Джоні Дэп можа вярнуцца да ролі Джэка Верабея

Але ў акцёра ёсць умова.

Галівудскі акцёр Джоні Дэп распавёў, што можа вярнуцца да ролі капітана Джэка Верабея, паведамляе Entertainment Tonight.

Гэта можа адбыцца ў шостай частцы «Піратаў Карыбскага мора».

Зорка вельмі давярае прадзюсару праекта, але згаджаецца ўдзельнічаць у здымках толькі пры адной умове.

Чаго хоча атрымаць Дэп ад «Піратаў»

Актор заявіў, што з задавальненнем папрацуе з прадзюсарам праекта Джэры Брукхаймерам.

«Я гатовы хоць заўтра працаваць з Брукхаймерам над чым заўгодна. Не важна, над чым менавіта. Калі гэта Джэры, я яму давяраю. Нас яднае глыбокае сяброўства», — адзначыў Дэп.

Але зноў паўстаць перад гледачамі ў ролі Джэка Верабея ён гатовы толькі ў тым выпадку, калі гэта дапаможа годна завяршыць франшызу.

«Калі ўсё складзецца як трэба што да завяршэння франшызы, то адзінае, чаго я насамрэч хачу ад свайго ўдзелу, — гэта дапамагчы ёй завяршыцца на больш пазітыўнай ноце», — заявіў акцёр.

Прадзюсар франшызы Джэры Брукхаймер, выступаючы на фестывалі D23, паведаміў, што каманда вядзе перамовы з 63-гадовым акцёрам. Паралельна ўжо пішацца сцэнар.

Паводле звестак Deadline, будучая стужка не стане прамым працягам прыгод знакамітага пірата. У цэнтр сюжэта стваральнікі плануюць паставіць гераіню Марго Робі.

Персанаж Дэпа, калі дамоўленасць будзе дасягнутая, адыдзе на другі план. Яму адведуць ролю другараднага героя. Такі крок закліканы адкрыць для франшызы новыя гарызонты.

Апошняя на сёння частка серыі, што выйшла ў 2017 годзе, — «Піраты Карыбскага мора: Мярцвякі не распавядаюць казак» — стала найменш паспяховай у камерцыйных адносінах. Зборы ў сусветным пракаце склалі $795,9 млн. Пры гэтым пяць стужак франшызы разам сабралі каля $4,5 млрд.

Раней Дэп заяўляў, што не зацікаўлены ў вяртанні да ролі Джэка Верабея пасля канфлікту з Disney.

Аднак цяпер, паводле слоў Брукхаймера і самога Дэпа, сітуацыя можа змяніцца.

Канфлікт Джоні Дэпа і Disney

Разыходжанні паміж акцёрам і прадстаўнікамі кампаніі пачаліся даволі даўно. Напрыклад, Disney не падабалася інтэрпрэтацыя Дэпам аднаго з ключавых герояў «Піратаў Карыбскага мора» — Джэка Верабея.

Аднак пасля поспеху першых некалькіх фільмаў франшызы прадстаўнікі кінакампаніі працягнулі супрацоўніцтва з акцёрам.

Калі ў 2016 годзе пачаўся судовы канфлікт Джоні Дэпа і яго былой жонкі Эмбер Хёрд, Disney спыніла працу з акцёрам. У значнай ступені гэта было звязана са скандалам вакол Дэпа: яго абвінавачвалі ў хатнім гвалце, а ягоныя адвакаты прайгралі першую справу, звязаную з гэтымі абвінавачаннямі, у судзе.

Пазней, пасля судовых разборак і шырокай падтрымкі прыхільнікаў, у Disney задумаліся пра вяртанне Дэпа ў франшызу. Але Джоні адмовіўся.

Ён не раз распавядаў, што ў складаную хвіліну адчуваў сябе здраджаным студыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com