Дэмакраты перамаглі Маска
1- 4.11.2026, 10:00
- 2,094
Мільярдэр выдаткаваў $160 млн, але не здолеў уратаваць рэспубліканцаў у Тэхасе.
Дэмакраты адсвяткавалі гістарычную перамогу ў Тэхасе, выйграўшы губернатарскія і сенатарскія выбары і пахіснуўшы пазіцыі рэспубліканцаў у адным з іх галоўных аплотаў. Джына Інохоса стане першым губернатарам-дэмакратам штата з часоў Эн Рычардс, а Джэймс Таларыка — першым дэмакратам ад Тэхаса ў Сенаце з 1988 года. Вынікі сталі сур'ёзным ударам па партыі Дональда Трампа, піша The New York Times (пераклад — сайт Charter97.org).
Яшчэ ў 2024 годзе Трамп выйграў Тэхас амаль з 14-працэнтнай перавагай. Аднак гэтым разам дэмакраты выставілі кандыдатаў ва ўсіх акругах штата і правялі ўзгодненую кампанію. Перамогі Інохосы і Таларыкі суправаджаліся поспехамі аднапартыйцаў на іншых выбарах.
Рэспубліканцам не дапамаглі нават велізарныя фінансавыя ўліванні. Ілан Маск выдаткаваў больш за 160 млн долараў на падтрымку сенатара-рэспубліканца Кена Пакстана, але той прайграў Таларыку. Супраць дэмакрата таксама запускалі рэкламныя ролікі, створаныя з дапамогай штучнага інтэлекту, якія высмейвалі яго погляды.
У сваёй кампаніі Таларыка выступаў супраць празмернага ўплыву мільярдэраў на амерыканскую палітыку. «Людзі наверсе — Ілан Маск, Руперт Мэрдак, Марк Цукерберг — марнуюць столькі сіл на тое, каб мы злаваліся і варожылі адзін з адным, бо наша адзінства пагражае іх багаццю і ўладзе», — казаў ён.
Інохоса таксама крытыкавала губернатара-рэспубліканца Грэга Эбата за падтрымку буйных тэхналагічных кампаній і будаўніцтва дата-цэнтраў на шкоду інтарэсам мясцовых жыхароў.
Перамогі дэмакратаў у Тэхасе, Канзасе, Агаё і Паўднёвай Караліне паказалі маштаб паразы рэспубліканцаў і аслабілі палітычныя пазіцыі Трампа.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
