У Сібіры выбухнуў магістральны газаправод

Слуп агню ўзняўся на 70 метраў.

У Тапкінскім акрузе Кемераўскай вобласці ўзнік магутны пажар на магістральным газаправодзе. Папярэдняя прычына — разгерметызацыя трубы. З-за аварыі давялося абмежаваць падачу газу на кемераўскі «Азот2, адзін з буйнейшых у Расіі вытворцаў аміячнай селітры і азотнай кіслаты, сыравіны для выбухоўкі.

Пра гэта паведаміў мясцовы губернатар. Гэта ўжо другі буйны пажар на магістральным газаправодзе ў Расіі за апошні месяц.

На відэа відавочцаў бачна велізарнае адкрытае полымя: дыяметр вогненнага слупа дасягае каля 100 метраў, вышыня — да 70 метраў.

«Цяпер паводле правілаў прамысловых рэгламентаў абмежаваная падача газу на кемераўскі «Азот», — напісаў губернатар.

КАО «Азот» — адзін з буйнейшых хімічных камбінатаў Расіі. Аміячная селітра і азотная кіслата, якія ён выпускае, — базавая сыравіна для абаронных заводаў, што выпускаюць прамысловыя і ваенныя выбуховыя рэчывы. Прадпрыемства знаходзіцца пад міжнароднымі санкцыямі.

У той жа дзень, 5 лістапада, на поўдні Кузбаса эвакуявалі больш за 100 гарнякоў шахты «Шерегешская». Прычынай назвалі падземныя штуршкі інтэнсіўнасцю 5–6 балаў. Аднак міжнародныя службы маніторынгу землятрусаў 5 лістапада не фіксавалі прыродных штуршкоў у Кемераўскай вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com