The Sunday Times: пацверджаны канібалізм у расійскай арміі
11- 26.04.2026, 15:43
- 8,800
Даныя правераныя некалькімі крыніцамі.
Брытанская газета The Sunday Times з дапамогай эксперта і камп'ютарных праграм пацвердзіла выпадак канібалізму ў расійскай арміі. Раней пра гэта паведамляла ўкраінская ваенная разведка, піша «Агенцтва».
Гэты выпадак стаў вядомы дзякуючы размове афіцэра і лейтэнанта Уладзіслава Разікава, намесніка камандзіра 5‑й асобнай гвардзейскай мотастралковай брыгады. Перахопы перадала ўкраінская разведка.
Ваенныя размаўлялі ў Telegram у лістападзе 2025 года каля Мірнаграда ў Данецкай вобласці. Западозранага ў канібалізме называюць па пазыўным «Кульгавы», ён служыў у 95‑м палку 5‑й брыгады.
Неназваны афіцэр распавядае пра «інцыдэнт».
«Карацей, адзін наш забіў двух іншых, і ён паспрабаваў… ён адрэзаў нагу і ўжо паспрабаваў з'есці», — кажа афіцэр. Затым ён апісвае, як Кульгавага знайшлі двое вайскоўцаў, якіх адправілі разабрацца з ягонай адсутнасцю.
«Урэшце сення яны пайшлі і знайшлі месца, дзе ён зацягнуў іх у падвал, адрэзаў нагу і ўжо сядзеў там, прапускаючы праз мясарубку або нешта накшталт таго, спрабуючы з'есці… Ён адкрыў агонь. Яны яго забілі», — кажа афіцэр.
Афіцэр таксама даслаў Разікаву фатаграфіі нагі і змарнелага салдата. Паводле аналізу The Sunday Times, фотаздымкі не былі згенераваныя або адрэдагаваныя з дапамогай ШІ.
Незалежны ваенны хірург патлумачыў выданню, што малаверагодна, каб раненні, бачныя на фотаздымках, былі атрыманыя ў выніку баявых дзеянняў. «Гэта выглядае так, быццам гэта было адрэзана вострым нажом», — сказаў хірург.
На фатаграфіі цела Кульгавага відаць, што ён моцна змарнеў.
Атрымаўшы здымак, Разікаў перапытаў: «Іх не кормяць ці што? Я не разумею». Афіцэр адказаў, што «нашыя хутка пачнуць есці адзін аднаго» і што «усе сядзяць на галодных пайках».
Разікаў удзельнічае ў ўварванні прынамсі з пачатку 2023 года, пра што сведчаць даныя ўцечак баз даных.
Пракрамлёўскія СМІ ўзгадвалі яго як намесніка камандзіра 5‑й асобнай гвардзейскай мотастралковай брыгады імя Аляксандра Захарчанкі 51‑й агульнавайсковай арміі ў складзе групоўкі войскаў «Цэнтр». У ліпені 2025 года ён распавядаў ТАСС пра ўкраінскіх разведчыкаў у Нікалаеўцы, у кастрычніку таго ж года — пра захоп пасёлка Маскоўскае ў ДНР.
The Sunday Times распавядае яшчэ пра тры перахопленыя паведамленні расійскіх вайскоўцаў, у якіх абмяркоўваліся выпадкі канібалізму.
У размове ад 3 красавіка 2025 года салдат з пазыўным «Мост» з 54‑га мотастралковага палка скардзіцца свайму афіцэру. «Калі б ён быў чалавекам, ён мог бы застацца так доўга, як захоча, але ён еў труп, чалавечыну. Я мусульманін. Я не хачу, каб хтосьці накшталт яго заходзіў да мяне ў сховішча», — кажа вайсковец.
У іншай размове 8 кастрычніка 2025 года камандзір 1437‑га мотастралковага палка абвінавачвае аднаго са сваіх падначаленых. «Чаму ты, бл…, ясі хахлоў? Спыніся, бл…, есці людзей», — цытуе яго The Sunday Times.
Яшчэ ў адным паведамленні ў Telegram украінскія хакеры знайшлі загад 55‑му мотастралковаму палку: «Ніякага алкаголю! Ніякіх наркотыкаў! Ніякіх перамяшчэнняў без дакументаў! Ніякага канібалізму!».
У снежні 2025 года Галоўнае ўпраўленне разведкі Міністэрства абароны Украіны апублікавала запіс, на якім чуваць, як мужчына кажа, што гатовы забіць «кагосьці маладога». «Я навастрыў нажы, мне ўсё адно, каго рэзаць, жраць хачу», — казаў чалавек.
Летам ГУР апублікаваў запіс перамоў пра тое, што вайсковец з пазыўным «Брылок» забіў і з'еў напарніка. «Брылок яго заваліў, а потым еў нах*й дзве тыдні», — гаворыць мужчына на запісе.
Пасольства Расіі ў Лондане заявіла выданню, што не бачыць «падстаў для каментарыяў». Прадстаўнік сказаў: «Тое, што вы апісалі, — гэта выдумкі, пададзеныя ўкраінскай ваеннай разведкай — арганізацыяй, функцыя якой заключаецца ў вытворчасці прапаганды, а не ў зборы фактаў».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
