Беларусы — расіянам: Паважайце культуру краіны, у якой знаходзіцеся

Хамства кіроўцаў з РФ шакуе.

Беларусы ўсё часцей абураюцца паводзінамі расійскіх аўтамабілістаў. Некалькі прыкладаў стварэння аварыйнай сітуацыі прывялі карыстальнікі Threads.

«Прыехала дадому ў Брэст. Вельмі шмат машын на расійскіх нумарах — Threads да гэтага мяне падрыхтаваў, — піша shugaiv. — Адбылося наступнае: раён Замухавечча, святлафор, чырвоны гарыць ужо нейкі час. Машына на расійскіх нумарах пад’язджае і спыняецца проста пасярэдзіне пешаходнага пераходу. Чырвоны ўсё яшчэ гарыць. Секунд пяць — і едзе далей. Я ўсё разумею, але ў нас так не прынята. Паважайце культуру краіны, у якой вы знаходзіцеся.

Зрабіла ўсё, што магла: узяла маці пад руку, пасігналіла, сфатаграфавала, напісала пост».

«Дачка затармазіла і прапусціла п’яную жанчыну, а па суседняй паласе імчаўся BMW з расійскімі нумарамі і тармазіць ён не збіраўся, — распавядае valiantsina_7591. — Та жанчына, нават маючы больш за дзве праміле алкаголю ў крыві, зразумела, што на яе імчыцца смерць, і кінулася назад проста пад колы дачкі. У жанчыны ад удару пералом нагі, разбіральствы, машына на штрафстаянку, потым страх сядаць за руль увечары, матэрыяльныя выдаткі і г. д. А расіяніна ніхто і не шукаў».

Іншыя карыстальнікі падтрымалі аўтараў пастоў і параілі звяртацца ў ДАІ. Сайт Charter97.org прыводзіць некаторыя каментары:

— Яны прывыклі так дома ездзіць.

— Няхай хоць штрафамі аплачваюць сваё хамства.

— Усё вы зрабілі правільна. Тыя, што кажуць «не крытыкуйце расіян», — няправыя, тыя хутка на галаву сядуць.

— Вам неабходна па ўказаным факце накіраваць паведамленне ў тэлеграм-чат МУС РБ, які ўжо працуе для скаргаў грамадзян, у тым ліку па праблемах дарожнага руху і парушэннях.

— Хамства кіроўцаў з РФ часам проста шакуе. Мы да такога не прывыклі.

— Ад кіроўцаў на нумарах РФ на дарозе стараюся трымацца далей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com