Польскае грамадзянства атрымалі 6,5 тысячы беларусаў

Даныя за 2025 год.

У 2025 годзе польскае грамадзянства атрымалі каля 19 тысяч замежнікаў, з іх 6,5 тысячы склалі грамадзяне Беларусі. Такія даныя ў Сейме Польшчы прадставілі прадстаўнікі МУС Польшчы, паведамляе Portal Samorzadowy са спасылкай на PAP.

Статыстыка ўключае як замежнікаў, прызнаных польскімі грамадзянамі паводле рашэнняў ваяводаў, так і тых, каму грамадзянства было нададзена ўказам прэзідэнта.

Беларусы сталі другой па колькасці групай сярод новых грамадзян Польшчы. Лідзіруюць у гэтым спісе грамадзяне Украіны — летась польскія пашпарты атрымалі каля 10 тысяч украінцаў.

На трэцім месцы з вялікім адрывам апынуліся грамадзяне Расіі — польскае грамадзянства атрымалі 759 чалавек.

Як адзначаецца, часцей за ўсё з заявамі аб прызнанні грамадзянамі Польшчы звяртаюцца замежнікі польскага паходжання, якія раней мелі карту паляка.

З агульнай колькасці тых, хто атрымаў грамадзянства ў 2025 годзе, каля 5 тысяч склалі непаўналетнія, уключаныя ў заявы бацькоў.

На гэтым фоне ў Польшчы працягваецца палітычная кампанія, скіраваная на ўжорстчанне ўмоваў атрымання польскага грамадзянства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com