Сібіга: Украіна адкажа сіметрычна на любыя варожыя правакацыі рэжыму Лукашэнкі

У Узброеных сілах Украіны для гэтага ёсць усе магчымасці.

У выпадку любых правакацыйных варожых дзеянняў супраць Украіны афіцыйны Кіеў будзе рашуча і жорстка адказваць — сіметрычным чынам.

Пра гэта 25 мая заявіў кіраўнік МЗС Украіны Андрэй Сібіга падчас сумеснай прэс-канферэнцыі са Святланай Ціханоўскай, перадае журналістка NV.

«Наша рыторыка заўсёды грунтуецца на канкрэтных даных і суразмерная ўзроўню пагроз. Калі мы бачым чарговую спробу ўцягнуць беларускі народ у гэтую чужую вайну, мы рэагуем і будзем адказваць тым самым. У выпадку любых правакацыйных варожых дзеянняў супраць Украіны Украіна будзе рашуча і жорстка адказваць сіметрычным чынам. Цяпер у нас ёсць для гэтага ўсе магчымасці», — сказаў украінскі дыпламат.

Акрамя таго, як сказаў Сібіга, «наша мэта — прадухіліць стварэнне пагроз, уцягванне народа Беларусі ў чужую вайну».

«Украіна паслядоўна адрознівае рэжым, які ўцягнуў Беларусь у расійскую агрэсію, і беларускі народ. Мы перакананыя, што беларусы заслугоўваюць свабоды, незалежнасці і права самастойна вызначаць будучыню сваёй дзяржавы», — падсумаваў украінскі дыпламат.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com