«Эфект Далінай» па-беларуску: пенсіянерка сцвярджала, што не прадавала свой дом з зямельным участкам 20 гадоў таму

Спатрэбілася экспертыза подпісу.

Пенсіянерка сцвярджала, што не прадавала свой дом з зямельным участкам у 2008 годзе і не ставіла подпісу на дагаворы. Унук вырашыў разабрацца. Да чаго гэта прывяло, расказалі ў упраўленні Дзяржаўнага камітэта судовых экспертыз па Брэсцкай вобласці.

Унук пачуў ад 86-гадовай бабулі, што яна пазбавілася дома і зямельнага ўчастка ў выніку незаконнага пераафармлення маёмасці. Ён звярнуўся ў сілавыя органы, тыя правялі праверку.

Высветлілася, што пенсіянерка ў 2008 годзе заключыла дагавор куплі-продажу. Аднак цяпер сцвярджае, што дагавор яна не афармляла, подпіс у дакуменце не яе, а некага іншага. Для вырашэння спрэчнага пытання прызначылі почырказнаўчую экспертызу. Яна паказала, што подпісы і запісы ў дагаворы выкананыя пенсіянеркай.

«Як высветлілася, жанчына на дадзены момант мае шэраг захворванняў, якія спрыяюць парушэнню кагнітыўных функцый. Пра тое, што васямнаццаць гадоў таму ўчастак з домам быў прададзены, яна забылася», — паведамілі ў УГКСЭ.

Эксперты нагадалі, што для здзяйснення юрыдычна значных дзеянняў асобам сталага ўзросту рэкамендуецца прайсці экспертызу на здзелказдольнасць. Дадзеная працэдура дазволіць не дапусціць прызнання здзелкі несапраўднай у будучыні і абароніць інтарэсы як прадаўца, так і пакупніка.

Раней у сацсетках шырока вядомым стаў «эфект Далінай». Усё пачалося пасля таго, як у 2024 годзе спявачка аддала тэлефонным махлярам больш за 300 мільёнаў расійскіх рублёў (звыш 3 млн долараў) — у тым ліку грошы ад продажу пяціпакаёвай кватэры ў Маскве. Зразумеўшы, што яе падманулі, Даліна звярнулася ў суд і выйграла яго. У выніку кватэру ёй вярнулі. А пакупніцы, якая засталася без кватэры, прапанавалі спрабаваць вярнуць грошы ў махляроў.

Расейцаў абурыў учынак Даліны, якая пакінула пакупніцу яе кватэры і без жылля, і без грошай. Гледачы пачалі масава здаваць білеты на канцэрты артысткі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com