Беларусы ў шоку ад правілаў у некаторых рэстаранах

Кажуць, гэта незаконна.

У Threads разгарэлася абмеркаванне мінскіх рэстаранаў. Справа ў правіле, якое ўвялі некаторыя завядзенні.

Пачалося ўсё з гісторыі english_tutor375. Дзяўчына расказала, што хацела замовіць столік на вечар пятніцы для кампаніі з сямі чалавек у якім-небудзь рэстаране нацыянальнай кухні. (Далей захаваныя арфаграфія і пунктуацыя аўтара.)

«Пазванілі ў “Літвіны” і “Бульбашы”, і абодва завядзенні даюць максімум 2 гадзіны на тое, каб паесці. То бок у 18:30 прыйшлі, у 20:30 сыходзіце. І гэта без перадзаказу. Час чакання страў — ад 30 хвілін», — заявіла карыстальніца Threads.

Такое стаўленне абурыла дзяўчыну. Яна заявіла, што падобныя правілы псуць усю атмасферу пасядзелак, піша «Кропка».

«Я прыходжу не толькі паесці, але і паразмаўляць, і добра правесці час у кампаніі людзей, якіх даўно не бачыла. Якага чорта я павінна нервнічаць і пастаянна глядзець на гадзіннік, каб укласціся ў ліміт? Гэта ж, блін, не каву з дэсертам дзве гадзіны цадзіць, камон. Карацей, я ў шоку», — выказалася дзяўчына.

Гэтая гісторыя скончылася добра — кампанія знайшла рэстаран без ліміту па часе. Аднак каментатары адзначылі, што такое правіла, здаецца, становіцца нормай. З ім ужо сутыкнуліся многія. Праўда, некаторыя гэтак проста справу не пакінулі.

«Я пісала запыт у МАРТ наконт абмежавання часу ў рэстаранах “Ганбей” і “Фабрик”. МАРТ перанакіраваў у выканкамы па юр. адрасах гэтых завядзенняў. Выканкам правёў праверку і выпісаў ім штрафы за парушэнне правілаў гандлю. Таму смела тэлефануйце ў аддзел гандлю або ў “адно акно” выканкама. Мне прыйшоў адказ, што так рабіць у РБ нельга», — распавялі ў каментарыях.

Іншыя хоць і не ўхваляюць новае правіла, але называюць яго вымушаным з-за патоку расійскіх турыстаў. А ў рэстараны нябеларускай кухні трапіць прасцей.

Праўда, многія пачалі раіць іншыя завядзенні з нацыянальнай кухняй. Дык што з тэмы ў Threads атрымалася нядрэнная падборка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com