Зяленскі аб перамір'і з РФ на 9 мая: З намі афіцыйна ніхто не звязваўся

Украіна будзе дзейнічаць у залежнасці ад развіцця сітуацыі.

Прэзідэнт Украіны Уладзімір Зяленскі заявіў, што Кіеву не прысылалі ніякіх афіцыйных прапаноў аб магчымым спыненні агню 9 мая. Пра гэта ён распавёў у інтэрв'ю «Ми – Україна», якое апублікавалі на YouTube 4 мая.

«З намі афіцыйна ніхто не звязваўся, нічога не прапаноўваў», – падкрэсліў кіраўнік дзяржавы.

Па яго словах, любыя абмеркаванні такога фармату без удзелу Украіны непрымальныя, бо вайну Расія вядзе менавіта супраць Украіны.

Ён таксама раскрытыкаваў ідэю кароткатэрміновага так званага перамір'я, падкрэсліўшы, што яно выглядае цынічна на фоне штодзённых абстрэлаў украінскіх гарадоў.

«Сёння Мерэфа, учора Днепр – загінулыя, параненыя, дарослыя і дзеці. А потым – давайце «ceasefire» на суткі. Несур'ёзна. То-бок даць ім свята, а раніцай пасля 9-га яны зноў будуць нас забіваць», – адзначыў Зяленскі.

Прэзідэнт дадаў, што Украіна будзе дзейнічаць у залежнасці ад развіцця сітуацыі.

«Будзем глядзець, як усё пройдзе», – падсумаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com