«На Лукашэнку ўздзейнічаюць псіхалагічна»
- 7.05.2026, 19:55
- 1,618
Украіна ўважліва сочыць за тым, што адбываецца ў Беларусі.
Украінскі палітолаг Яўген Магда у каментары «Філіну» — пра заяву прадстаўніка Дзяржаўнай памежнай службы Украіны.
Спікер ДПСУ Андрэй Дземчэнка заявіў, што на тэрыторыі Беларусі каля мяжы з паўднёвай суседкай назіраецца «пэўная актыўнасць» — «у тым ліку гэта датычыць стварэння лагістычных напрамкаў, палігонаў, далейшай, магчыма, актыўнасці, супрацоўніцтва з Расіяй».
Як варта ацэньваць гэтую заяву?
— Думаю, з боку Украіны мы маем справу з элементамі інфармацыйна-псіхалагічнага ўздзеяння на рэжым Лукашэнкі, — лічыць Магда. — Растлумачу, што маю на ўвазе. Справа ў тым, што будаўніцтва палігонаў на суверэннай тэрыторыі Беларусі, а Гомельшчына, безумоўна, суверэнная тэрыторыя Беларусі, цалкам нармальная і, я б сказаў, законная справа.
Але гэта толькі з аднаго боку. Калі ўлічваць, што Лукашэнка ганарыцца сваім статусам саюзніка Крамля і саагрэсара, то Украіна проста абавязаная рэагаваць на ўсё, што робіць саагрэсар.
Тым болей у непасрэднай блізкасці ад украінскай мяжы. У гэтым плане, мне здаецца, не можа быць ніякіх сумневаў.
Украіна проста дэманструе, што яна даволі ўважліва сочыць за тым, што адбываецца ў Беларусі, і ў разе неабходнасці Кіеў, безумоўна, выкарыстае даныя сваёй разведкі — каб не дапусціць паўтарэння падзей лютага 2022 года.
Лукашэнка можа на гэтую тэму шмат кідацца пенай з рота, казаць пра сваё «мірналюбства» і іншае, але ва Украіне вельмі добра ведаюць цану яго «мірналюбству», цану ягонаму слову, цану яго здольнасці дзейнічаць так, каб быць добрым суседам.
Ва Украіне ведаюць і тое, што ў Беларусі няма крытычнай колькасці ахвочых ваяваць. І гэта добра. Перш за ўсё добра для беларусаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
