Кая Каллас: ЕС павінен патрабаваць ад РФ вываду войскаў з Прыднястроўя

І сфарміраваць адзіны спіс патрабаванняў да Пуціна.

Еўрасаюз павінен запатрабаваць ад Расіі вываду ваеннага кантынгенту з Прыднястроўя ў выпадку магчымых перамоваў з Масквой. Пра гэта падчас візіту ў Кішынёў заявіла вярхоўная прадстаўніца ЕС па замежных справах і палітыцы бяспекі Кая Каллас, перадае «Укрінформ».

Каментуючы магчымасць перамоваў з Масквой, яна адзначыла, што цяперашнія мірныя перамовы фактычна не даюць вынікаў. Паводле яе слоў, цяпер патрабаванні пераважна прад'яўляюць Украіне, а не Расіі.

«Перш чым мы будзем размаўляць з расіянамі, нам трэба дамовіцца пра тое, пра што мы хочам з імі размаўляць», — сказала Каллас.

Яна дадала, што яшчэ некалькі месяцаў таму прапанавала міністрам замежных спраў ЕС сфарміраваць пералік патрабаванняў да РФ.

Каллас адзначыла, што Расія ўжо выстаўляе Еўропе свае ўмовы, у прыватнасці адносна адмены санкцый. Менавіта гэтыя пытанні, паводле яе слоў, кіраўнікі МЗС краін ЕС плануюць абмеркаваць у канцы мая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com