Мадзяр агучыў свае планы на пасадзе прэм'ер-міністра Венгрыі

Сёння ў Венгрыі дзень вызвалення ад Орбана.

Лідар яшчэ нядаўна апазіцыйнай партыі «Ціса» Пэтер Мадзяр афіцыйна стаў прэм'ер-міністрам Венгрыі. За яго прызначэнне прагаласаваў венгерскі парламент, які сёння ўпершыню сабраўся ў новым складзе пасля красавіцкіх выбараў.

Як піша Telex, за прызначэнне Мадзяра прагаласавала большасць дэпутатаў наваабранага парламента, дзе яго партыя атрымала канстытуцыйную большасць. «За» яго прызначэнне аддалі свае галасы 140 з 199 дэпутатаў. Астатнія галасавалі «супраць». Ніхто не ўстрымаўся ад галасавання.

Акрамя таго, быў абраны спікер парламента. Гэтую пасаду заняла намесніца старшыні партыі «Ціса» Агнеш Форстхоффер. Адным з першых яе рашэнняў стала вяртанне сцяга Еўразвязу на будынак парламента, адкуль яго прыбралі яшчэ 12 гадоў таму на патрабаванне прарасійскага ўрада Віктара Орбана. Цікава, што сам экс-прэм'ер увогуле не з'явіўся на першым пасяджэнні абноўленага парламента.

У працяглай інаўгурацыйнай прамове наваспечаны прэм'ер Пэтер Мадзяр раскрытыкаваў свайго папярэдніка, абвінаваціўшы яго ўрад у эканамічным заняпадзе Венгрыі, стварэнні атмасферы палітычнай нянавісці ў краіне, а таксама ў пабудове карупцыйнай сістэмы, за якую цяпер грунтоўна возьмуцца праваахоўныя органы.

Мадзяр таксама заклікаў сысці ў адстаўку прэзідэнта краіны Тамаша Шуйока, які з'яўляецца палітычным паплечнікам Віктара Орбана.

Акрамя таго, Мадзяр абвясціў пра намер правесці канстытуцыйную рэформу і выправіць тыя скажэнні ў інстытуцыйнай сістэме дзяржавы, якія за 16 гадоў нарабіў Орбан.

— Мы пачнем перагляд канстытуцыйнай сістэмы Венгрыі, умацуем сістэму стрымак і супрацьваг, ініцыюем абмежаванне колькасці тэрмінаў прэм'ер-міністра, — сказаў Мадзяр.

Варта адзначыць, што ў сваёй прамове наваспечаны лідар Венгрыі поўнасцю праігнараваў знешнюю палітыку, засяродзіўшыся выключна на ўнутраным парадку дня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com