Канадскі генерал: Смерць Пуціна — неабходная ўмова для міру ва Украіне

Трывалы мір немагчымы, пакуль дыктатар РФ застаецца пры ўладзе.

Пра гэта ў інтэрв'ю «Укрінформу» заявіў былы камандуючы Аб'яднаным аператыўным камандаваннем Канады Крыстафер Коўтс.

«Першая неабходная ўмова трывалага міру ва Украіне — гэта смерць Пуціна. На жаль, мне вельмі цяжка ўявіць сабе трывалы мір, пакуль Пуцін застаецца пры ўладзе. Яшчэ больш фундаментальнай асновай такога міру я лічу толькі ваенную перамогу Украіны», — сказаў Коўтс.

Ён падкрэсліў, што «з усё большым скепсісам ставіцца да меркавання, што тэрытарыяльныя ўступкі могуць забяспечыць нешта доўгатэрміновае». «Максімум — часовая паўза. Калі ж Расія захавае свае імперскія амбіцыі, яна адновіць сілы і зноў вернецца да вайны», — адзначыў генерал-лейтэнант.

«Менавіта таму ўдары Украіны па расійскай нафтавай інфраструктуры маюць стратэгічнае значэнне. Яны прымушаюць Расію распыляць рэсурсы, скарачаюць яе даходы і нагадваюць расіянам, што вайна мае сваю цану», — падкрэсліў Коўтс.

Паводле яго слоў, галоўная ўразлівасць Расіі заключаецца ў тым, што яна вядзе нелегітымную вайну. Гэта можа гучаць абстрактна, але з пункту гледжання стратэгіі мае велізарнае значэнне. Расія не ваюе за ўласнае выжыванне. Яна сама выбрала гэтую вайну і траціць каласальныя рэсурсы дзеля вельмі абмежаваных вынікаў.

Коўтс адзначыў, што Крэмль па-ранейшаму здольны мабілізаваць падтрымку з дапамогай прапаганды і кантролю над СМІ, але ў такіх механізмаў ёсць свае межы. Сістэма, пабудаваная на хлусні, у рэшце рэшт пачынае разбурацца знутры. Падтрымліваць працяглую вайну па ўласным выбары становіцца ўсё цяжэй, асабліва калі назапашваюцца чалавечыя і эканамічныя страты.

«Зараз, на мой погляд, ініцыятыва ў пэўнай ступені схіляецца на карысць Украіны. Расія ўсё больш нагадвае дзяржаву, якая страчвае моц і шукае новыя спосабы ціску. Мы бачым спробы таго, што вайскоўцы называюць „гарызантальнай эскалацыяй“ — пашырэннем ціску за межы непасрэднага поля бою, паколькі дасягаць поспехаў ва Украіне становіцца ўсё складаней», — лічыць Коўтс.

Ён таксама адзначыў, што гэта пазітыўны сігнал для Украіны, але баланс па-ранейшаму застаецца вельмі далікатным. Украіна атрымала тэхналагічную і маральную перавагу, аднак яшчэ не дасягнула такога аператыўнага становішча, якое зрабіла б гэтыя змены незваротнымі. Некалькі сур'ёзных памылак Расіі могуць істотна паўплываць на сітуацыю, але і сама Расія працягвае адаптавацца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com