Зяленскі раскрыў падрабязнасці расійскай атакі на Лаўру

Расійскія дроны ляцелі ў гэтую частку Кіева мэтава.

Прэзідэнт Украіны Уладзімір Зяленскі заявіў, што расійскія агрэсары наўмысна запусцілі беспілотнікі па той частцы Кіева, дзе размешчаныя Кіева-Пячэрская лаўра і Мастацкі арсенал.

Пра гэта Зяленскі напісаў у Telegram у панядзелак, 15 чэрвеня.

«Пацверджана, што два расійскія дроны мэтава атакавалі тую частку горада, дзе размешчаныя Лаўра і Мастацкі арсенал», — адзначыў Зяленскі.

Таксама ён напісаў, што на дадзены момант вядома пра 35 пацярпелых у Кіеве. Усяго ва Украіне ў выніку масіраванага расійскага ўдару загінулі 11 чалавек, яшчэ 53 чалавекі пацярпелі.

Зяленскі адзначыў, што Украіна знаходзіцца «ў пастаяннай камунікацыі» наконт наступстваў расійскай атакі і неабходнага рэагавання.

«Важна, што лідары дзяржаў, грамадскія лідары, міжнародныя арганізацыі не маўчаць. Даручыў МЗС Украіны і ўсёй нашай дыпламатычнай камандзе максімальна актывізаваць сёння ўсе кантакты з партнёрамі, каб міжнародныя мерапрыемствы гэтага і наступнага тыдня далі рэальныя вынікі для ўзмацнення нашай абароны і глабальнага ціску на Расію за гэтую вайну. Патрэбны справядлівы адказ на гэты расійскі ўдар», — падкрэсліў Уладзімір Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com